Edgar Calabia Samar

Akala nila’y magkahawak-kamay sila.
Ang nasa isip ng batang lalaki:
Dadalhin ko siya sa malayo.
Ang nasa isip ng batang babae:
Sa malayo ko siya dadalhin.
Nang matuklasang naliligaw,
saka sila nagbitaw ng paninisi
sa bawat isa. Noon nagsimula
ang paglayo nila sa isa’t isa.
Doon, noong malapit na
malapit na nilang matagpuan
ang daan pabalik.

(This poem is included in my poetry book Pag-aabang sa Kundiman: Isang Tulambuhay, first published by ADMU ORP in 2006. In 2016, Librong LIRA released a new edition of the book. Go to BOOKS to see all my books. If you want to include this poem in your textbook or anthology, kindly contact me to ask for permission.)